به‌ ناوی خودای به‌خشنده‌ی میهره‌بان

ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ

به‌ بۆنه‌ی‌ جێژنی‌ پیرۆزی قوربانه‌وه، به‌ ناوی‌ خۆم و سه‌رجه‌م هاوڕێیانم له‌ یه‌کێتی زانایانی ئایینی ئیسلامی کوردستان ـ ئێران ـه‌وه‌‌ پیرۆزبایی‌ له هه‌موو موسوڵمانانی جیهان به گشتی و موسوڵمانانی کوردستان به تایبه‌تی ده‌که‌ین و له‌ خودای گه‌وره‌ داواکارین که‌ حه‌جی حاجیان قبوڵ بکات و به سه‌لامه‌تی بگه‌ڕێنه‌وه‌ نێو ماڵ و منداڵیان و هه‌روه‌ها سه‌ربه‌رزی ئیسلام و موسوڵمانان ئاواته‌ خوازین.

دیسان له‌ خودای گه‌وره‌ و میهره‌بان داواکارین که کوردستانی ئازیزمان ڕزگاری ببێت له ده‌ست زاڵمان و داگیرکه‌ران.

هیوادارین که‌ ئه‌م رۆژه‌ گه‌وره‌یه‌ ببێته‌ مایه‌ی خه‌یر و خۆشی و چاندنی برایه‌تی و ته‌بایی له نێو دڵی هه‌موو لایه‌کمان دا.

دیسانه‌وه‌ جێژنتان پیرۆز بێت

ئه‌حمه‌د ئیسماعیلی

سه‌رۆکی یه‌کێتی زانایانی ئایینی ئیسلامی کوردستان ـ ئێران

۱۰ی ذی الحجه‌ی ۱۴۳۰ کۆچی مانگی

به‌رامبه‌ر به ٦ی سه‌رماوه‌زی ١٣٨٨ی کۆچی- هه‌تاوی